top of page
مليون مبروك علي المولود الجديد ويتربي في عزك يارب
ختان - طهارة الأطفال الذكور


خلينا نوضح فى الأول نقطه مهمه ان لما بنقول ختان أو طهارة الأطفال بنقصد بيها الأولاد مش البنات ، لإن مفيش طهاره للبنات لأسباب طبية وقانونية .
ودلوقت تعالوا نعرف اي هى عملية الطهاره وليه مهم نعملها .
أولاً لازم نعرف الفرق بين كلمة "القلفة" و "الحشفة"

القلفة :
هي قطعة جلد تغطي رأس العضو الذكري للجنين وهو في بطن امه , عشان تحمي الطفل من اى صدمات عصبية تعيق نظامه الغذائي اللي بيستمده من الحبل السري من امه , والصدمات دي بتكون نتيجة الحركة المستمرة داخل السائل الامنيوسي وإحتكاكه برأس العضو الذكري الذي يحتوي علي أكثر أعصاب حسية في جسم الجنين , ودي حكمة من حكم الله سبحانه وتعالي في خلق "القلفة" للجنين .لكن بعد الولادة تصبح تلك "القلفه" لا قيمة لها , وبالتالي بنضطر نقصها من خلال عملية "الطهاره" .

الحشفة :
هي رأس العضو الذكري .

هنا بقي ننتقل لفوائد قص القلفة
"الختان - الطهاره" :
-
تسهيل النظافه الشخصيه .
-
بتقلل نسبة الاصابه بسرطان القضيب .
-
بتقلل نسبة الاصابه بعدوي المسالك البوليه , وفيروس المناعه البشريه .
-
إزالة مادة الـ "Smegma" التي تسبب الروائح الكريهه وتسبب أيضاً سرطان عنق الرحم , المادة دي بتكون بين " رأس العضو " و " القلفة " .
-
إتباع لسنة سيدنا محمد صلي الله عليه وسلم . عَنْ أَبي هُريرةَ ، عَنِ النَّبِيِّ ﷺ قَالَ " الفِطرةُ خَمسٌ، أَوْ خمْسٌ مِنَ الفِطرةِ: الخِتان، وَالاسْتِحْدَادُ، وَتقلِيمُ الأَظفَارِ، ونَتف الإِبِطِ، وقَصُّ الشَّارِبِ " مُتفقٌ عَلَيْهِ .
طيب يبقي دلوقتي عرفنا ليه لازم أعمل عملية الطهاره أو الختان للأطفال الذكور .
صح كدا ؟ جميل جداً
طيب يالا بينا بعد الولادة علطول نروح نطاهر البيبي
لا طبعاً , غلط , ليه بقي ؟
مش مفضل خالص ان عملية الطهاره تتم و الطفل لسه مولود (في أول إسبوعين من الولاده) , ليه ؟
أولاً : حجم العضو بيكون لسه صغير .
ثانياً : شكل العضو بيكون مختلف تماماً وأفضل في الشكل والحجم وقوة الجلد بعد مرور 15 يوم من الولادة , وبالتالي بنقدر نعمل عملية الطهاره بشكل مثالي .
ثالثاً :فى اطفال وقت ما بتتولد بيكون عندها صفرا تكسيريه وبالتالي بيتم حجزهم في الحضانه , أو صفرا فسيولوجيه وده بيأثر على سيولة الدم فلازم نستنى لحد الصفرا ما تنزل خالص (ولازم نتابع مع دكتور أمراض دم) .
عشان كده افضل وقت لعملية الطهاره بيكون بعد اسبوعين من الولاده , لحد 3 شهور .
كدا احنا فى الفتره دي نقدر نطاهر البيبي علطول عند اى دكتور ؟
لا لا لا لا لا , دا أكبر غلط هتغلطه في حق ابنك طول العمر , ليه بقي ؟
لأن لازم يتم فحص البيبي ونتأكد إنه ماعندوش ما يمنع أو يؤجل الطهاره في الوقت الحالي , ولو تمت طهاره البيبي وهوه عنده أي مؤجلات "عيوب خلقية آخري" كدا انت ضيعت علي ابنك فرص كبيرة جداً في الشفاء .
طيب اي هي مؤجلات عملية الطهاره ؟ هنعرفها قدام شوية , بس كمل معانا .
الأهم هنا هو مين اللي يقدر يعرف مؤجلات الطهاره "العيوب الخلقية" ؟
التخصص الوحيد اللي يقدر يفحص الطفل 100% هو "دكتور جراحة أطفال" وليس "دكتور أطفال" أو أي تخصص آخر .

تعالوا نعرف سريعاً كدا خطورة عملية الطهاره / الختان بدون فحص البيبي , أو نقدر نقول
مؤجلات عملية الطهاره :

1- لو الطفل مصاب بالإحليل السفلى :
وهو إن فتحة البول مش بتبقي في مكانها الطبيعي في مقدمة العضو , فلازم نأجل عملية الطهاره لإننا في بعض الحالات بنستخدم جزء من الجلد اللي بيخرج من عملية الطهاره في اصلاح الإحليل السفلي, وعملية الإحليل السفلي مش بتتعمل قبل 6 شهور من الولاده , فتخيل بقي لو اتسرعنا وطاهرنا البيبي بدون فحص واكتشفنا بعدين انه عنده إحليل سفلي (هنبقي نجيب الجلد اللي هنحتاجه منين ؟) .
هو الإحليل السفلي دا خطر علي الطفل ؟ طبعاً , هيأثر علي الإنجاب وكمان العلاقة الزوجية .
لو عايز تعرف أكتر عن الإحليل السفلي عند الأطفال اضغط هنا
2- لو فى إلتصاق بين العضو الذكري و كيس الصفن :
الطبيعى ان جلد العضو الذكرى يكون منفصل تماما عن جلد كيس الصفن ، لكن فى بعض الاطفال بيكون فى التصاق بين كيس الصفن و العضو الذكرى ، و فى الحاله دى بنستنى على الطفل يكبر شويه و بعدين نعمل عملية الطهاره و كمان نفك الالتصاق اللى بين العضو الذكرى و جلد كيس الصفن .

3- العضو المدفون :
دا من المشاكل اللى بيعانى منها اطفال كتير جدا ، ودا نتيجة لأسباب خلقية بتحدث في بطن الرحم أثناء تخلق العضو الذكري والخصية , وأيضاً صغر حجم العضو او ان الطفل عنده دهون فى المنطقه الاربيه او ان الطفل عنده مايه على الخصيتين كل ده بيسبب ان العضو يكون مدفون او مش ظاهر بشكله الطبيعي ، فى الحاله دى بنأجل عملية الطهاره ، لأن احياناً العيب ده بيتصلح مع مرور الوقت ، و احياناً بيحتاج لعمليه بسيطه عشان العضو يكون ظاهر بشكل طبيعى .

4- لو الطفل عنده اى امراض باطنيه :زى (مشاكل فى القلب – ارتفاع سيولة الدم – صفرا تكسيريه ) فى الحالات دى لازم نستنى على الطفل لحد م يخف خالص و بعدين نعمله عملية الطهاره .
5- لو البيبي عنده فتق إربي :في الحالة دي لازم نحدد معاد فوراً نعمل فيه عملية الفتق الإربي وكمان نطاهره , لأن الفتق الإربي لو أهملناه ممكن يحصله إختناق في أي لحظة , ولو حصل إختناق للفتق ممكن البيبي يخسر خصيته أو يحصله انسداد معوي ويدخل حالات طوارئ .لو عايز تعرف أكتر عن الفتق الإربي عند الأطفال اضغط هنا

عشان كده لازم نفحص اطفالنا كويس جدا عند دكتور جراحة اطفال قبل ما نعمل عملية الطهاره .
ننتقل بقي لأسئلة مهمة جداً .
إمتي اطاهر البيبي في العيادة ؟
وامتي اطاهره في المستشفي ؟
وهل البنج الموضعي أفضل ؟
ولا البنج الكلي ؟
يالا بينا نسمع الفيديو ...
طيب هل عملية الطهاره ليها مضاعفات ؟
لو تمت العملية مع طبيب متخصص في جراحة الأطفال مالهاش أي مضاعفات نهائياً .
لكن للاأسف لو عملية الطهاره اتعملت غلط علي ايد حد مش متخصص ممكن تسبب للطفل نزيف او تشوه للعضو الذكري , أو غرغرينة أو مشاكل فى القدره الجنسيه فى المستقبل (ودي تبقي كارثه ) .
و 90% من مشاكل الطهاره بتكون في سببين :
السبب الثاني :
إن الدكتور الغير متخصص ممكن يكون بيستخدم أله غير أمنه للطفل زى
* مقص العضم أو ( Bone Cutting ) ودي أله خطيره جدا جدا , وقليل جداً من الأطباء اللي بيجيدوا إستخدامها , لإن ممكن يحصل نزيف كبير للطفل , او يحصل قطع جلد زياده أو أقل للطفل , أو يتم قطع رأس العضو نفسه .
* إستخدام جهاز الدياثرمي احادي القطب, ودا جهاز ممنوع إستخدامه نهائياً , لإنه ممكن يحرق العضو نفسه , وممكن يؤدي لغرغرينا في العضو ومشاكل تانيه إحنا في غنا عنها خالص .


السبب الأول :
معظم الناس لسه بتعتمد علي الطرق القديمه , اللي هي إني أخد ابني عند ممرضة, أو اي حد متمرس , أو طبيب نساء , وطبعاً دا غلط كبير جداً , لإنك بتعرض طفلك لخطر , لازم اروح بطفلي لجراح أطفال متخصص في جراحه الطهاره , لإنه شخص فاهم ودارس كويس جدا هو بيعمل إي , لإن دي مش مجرد عملية جراحيه وبس ...لأ دي عمليتين في قلب بعض , عملية جراحيه وعمليه تجميليه ( خد بالك ليها تأثير كبير في ثقه إبنك في نفسه لما يكبر و ليها تأثير على مستقبله كمان ) .
طيب ايه هى أفضل و أءمن طريقة نقدر نطاهر بيها الطفل :
فى طرقتين للطهاره :
1- الطهاره بجهاز الجومكو (الحلقة المعدنية) وده الجهاز اللى احنا دايماَ بنستخدمه فى الطهاره و بنعتبره افضل جهاز للطهاره .
و هنعرف دلوقتي ليه
2- الطهاره بالحلقه البلاستيكيه .

